The Nun's Priest's Epilogue, ll. 681-696 (The Canterbury Tales by Geoffrey Chaucer)

Epilogue to the Nun's Priest's Tale

	"Sire Nonnes Preest," oure Hooste seide anoon,
	"I-blessed be thy breche, and every stoon!
	This was a murie tale of Chauntecleer.
	But by my trouthe, if thou were seculer,
685	Thou woldest ben a trede-foul aright.
	For if thou have corage as thou hast myght,
	Thee were nede of hennes, as I wene,
	Ya, moo than seven tymes seventene.
	See, whiche braunes hath this gentil preest,
690	So gret a nekke, and swich a large breest!
	He loketh as a sperhauk with his yen;
	Him nedeth nat his colour for to dyen
	With brasile, ne with greyn of Portyngale.
	Now, sire, faire falle yow for youre tale!"
695	And after that he, with ful merie chere,
	Seide unto another, as ye shuln heere.