Previous Previous:
From Troilus and Criseyde, Book I, lines 92-112:
About Criseyde, the daughter of Calkas
Librarius Homepage
© Librarius
All rights reserved.

Geoffrey Chaucer (1342 - 1400):
Troilus and Criseyde
Book I, lines 113-133: Hector offers protection to Criseyde

Now was this Ector pitous of nature,
And saw that she was sorwfully bigoon,
115And that she was so fair a creature;
Of his goodnesse he gladed hir anoon,
And seyde, `Lat your fadres treson goon
Forth with meschaunce, and ye your-self, in joye,
Dwelleth with us, whyl you good list, in Troye.

120`And al t' honour that men may doon yow have,
As ferforth as your fader dwelled here,
Ye shul han, and your body shal men save,
As fer as I may ought enquere or here.'
And she him thonked with ful humble chere,
125And ofter wolde, and it hadde ben his wille,
And took hir leve, and hoom, and held hir stille.

And in hir hous she abood with swich meynee
As to hir honour nede was to holde;
And whyl she was dwellinge in that citee,
130Kepte hir estat, and bothe of yonge and olde
Ful wel beloved, and wel men of hir tolde.
But whether that she children hadde or noon,
I rede it naught; therfore I late it goon.

Next Next:
From Troilus and Criseyde, Book I, lines 134-154:
About the Greek-Trojan war